一個黐膠線的業餘風水佬
好學唔學
04 年開始研習風水不是跟隨名師而是睇書自學開始 , 初學三合( 八宅 ) 派後來又再學三元地理 , 年尾又胆粗粗學人走去買個大羅庚 ( 即係而家用緊嗰個 ) .
05 年開始接觸易經 , 運用易卦去滲入風水斷吉凶及嘗試推算事物 , 貪玩期間去推算公司內所發生的事 ..................... 就算知都無用 , 一啲不願意見到嘅事响公司內逐一發生 , 曾試圖出手解决到最後不得不承認現實係殘酷嘅兩敗俱傷殊途同歸 , 在我結婚擺洒前兩個多月决定離開這個為佢賣命出生入死及再不屬於自己的傷心地 --- Hill & Associates 公司
離開公司後接到我從事業餘術數的第一個客人 --- 我大家姐的舊上司 , 一個患有膀胱癌的失婚人仕 , 原來一個人行衰運時氣息真係好差 , 失婚之餘獨自搬到去一間格局好差的屋去住 , 更因為厨房厠所及睡房佈局而引致泌尿糸统出毛病 ---- 膀胱癌 . 這促以引證原來一個行衰運的人連選擇都會出錯 .............
Cable TV 的蘇民峰風生水起精讀班 1 & 2 對我來講簡直係功力倍增 , 唔識風水嘅 ( 好似我老婆咁都睇到津津有味 ) 而我個 PK 舊老細話我呢一個不學無術嘅半桶水都睇到打通任督二脈 .......... 掂 !! ( 佢都吹我唔漲之前比我批死佢嘅野全部應晒 , 你理得我係咪半桶水啫噏你噏得準就得喇 !! )
06 年失業九個多月了仍未找到工作開始心急了 !!!! 硬著頭皮要開始接觸我一直抗拒的四柱 ( 八字 ) 論命 . 因為我一直以為就算係睇通八字但係好多嘢係改變唔到 ........... 原來呢一個係錯到唔恨嘅消極想法 ( 再講白啲就係逃避現實 ) . 但係黑咗咁耐 ........ 以我這個凡事包抝頸的人點都要知道自己衰啲乜 ??? 慢幔學回想返從前發生過嘅事 .......... 原來這就是人生的方程式再想起蘇民峰响電視度成日講 : 入大運前會混亂三至五年 ....... 嘩 !!!! 大佬唔好玩喇 !!!! 而家先兩年巳經咁惡頂都撑得幾辛苦吓 . 就算行緊衰運原來都可以趨吉避凶將損傷降到最低同埋响行運時加重投資 , 呢個就係我啲成日講嘅 --------- 捉用神 !! 真係難學難精 !!!!!!
TAG:
